Abellons - VIGO RC 12 - 5 CR CORETI LALÍN (XUVENÍS)

Este pasado domingo, os nosos rapaces xogaban en Vigo, contra un dos claros favoritos a facerse co título ligueiro. Os Abellóns viaxaban con só 17 xogadores. O partido trancorreu con moi mal tempo xa que o frío e a auga, e incluso en momentos, a saraiba, facía complicado o xogo. Por este motivo o partido seguía unha mesma liña para os dous equipos, fases prolongadas na dianteira e no momento no que o balón era aberto á liña de tres cuartos, os movementos eran curtos e en raras ocasións o balón ía máis lonxe dos centros. Os rapaces parecían comezar a coller a soltura que lle faltara noutros partidos e cunha gran actitude estaban a plantar cara a un equipo moi forte. Pero as malas novas regresaban para os rapaces, xa que ós 10 minutos, Juanito tiña que ser sustituido por mor dunha lesión deixando paso a un debutante, Javier. Esteban tomou a dirección do equipo e asumeu o posto de medio de melé. Os rapaces seguían a xogar ben e foi cando Rubén Sueiro conseguía o ensaio para os nosos nunha boa saída de oito.

O final non puido ser, o Vigo conseguíu a victoria, pero o adestrador Santi Castro amosábase moi satisfeito por a moi boa actitude dos rapaces e por a mellora no xogo que están a amosar partido a partido. Neste partido tamén facía o seu debut neste ano, Viana, que sustituía a Iago por mor dun golpe nun ombreiro. Destacar a boa actuación de Iago e Luciano durante todo o partido.

CR CORETI LALÍN: BORJA, ALFONSO, JAIRO, IAGO, LUCIANO, SERGIO, RUBEN SUEIRO, CASTRO, JUANITO, ESTEBAN, VICTOR, SANTI, EPI, IVAN Y ALBERTO + JAVIER E VIANA

Este fin de semana ós Abellóns tocalle xornada de descanso, polo que Santi Castro aproveitará para seguir a correxir pequenos erros e aproveitará para darlle descanso ós xogadores lesionados e desta forma poder contar con todo o plantel para o próximo encontro.