Abellons - BELENOS RC 24 - 8 CR CORETI LALÍN

Este pasado sábado, os Abellóns desprazábanse ata Avilés para enfrontarse o xa máis que mítico Belenos. A convocatoria abellona era reducida, debido as lesións, e somentes se desprazaron 16 xogadores. O Belenos atopábase segundo na táboa e precisaba gañar conseguindo o bonus ofensivo para deste modo poder adiantar ó CRAT de A Coruña e deixar a presión para os últimos no seu último partido de liga.

Os Abellóns sairon ó campo concienciados que había pouco que perder, e na contra, moito que gañar. Deste modo os nosos mediante boas defensas conseguían porse por diante no marcador mediante un golpe de castigo, transformado por Patxi. Os nosos seguían a aguantar os fortes empuxes da dianteira avilesina, e por momentos faciana recuar para demostrar que a pesares de non ser un equipo moi voluminoso, os abellóns demostran en tódolos campos ter un empuxe espectacular. Pero foi cerca do final da primeira parte, cando o Belenos conseguiría o seu primeiro ensaio tras unha moi boa xogada da súa liña de tres cuartos. Con este resultado de 7 a 3 chegaríase ó descanso.

Na segunda parte os Abellóns seguían mentalizados de que terían que defender forte para poder seguir manténdolle a cara ó partido, pero a medida que pasaban os minutos, o cansanzo facía mella nos nosos, que arrastraban tamén o cansanzo da viaxe e a falla de cambios. Pero ainda asía, tivo que esperar o Belenos e sufrir para conseguir o seu segundo ensaio. O Belenos mediante cambios que refrescaron a súa dianteira, conseguiron subir unha marcha máis ó encontro, e a partires de aquí os nosos encaixaron o resto dos ensaios que subía ós de Avilés ata os 24 puntos. Pero os nosos nun momento de orgullo, e tras cinco fases consecutivas de convinación de xogo á man, conseguiron anotar o que sería o seu único ensaio, que o conseguiría o segunda Mario.